Не єм згоден з наведженым письмом опублікованым в: info РУСИН №.: 13/2013, котрый підписал пан Дюра Папуґа, председа Світовой рады Русинів (Руснаків/Лемків). 

А то з тотых прічін:
1) зменшыт ся простор слободного розвитку кіріломефодской духовности і културы. Духовный і културный простор Україны ся дістане під анґлосаську юрісдікцію Европской унії. В дослїдку того:
a) латинізує ся теріторія Україны посмоть статью: « Без русофільства русиньскый рух загыне!» на: http://www.holosy.sk/m%D1%96lan-semanch%D1%96k-0 − вышмарена!
б) і наслідно ся ісламізує теріторія Україны;
2) од року 1989 значна частина русиньскых / лемковскых функціонарів неможе прийти на мено Українцям. Мают в желудку і на языку українізацію ... В наслідку вступу Україны ся шак повышыт „українізачный“ тиск. Зато в поясниню їх підпоры вступу Україны до ЕУ невижу транспарентность;
3) заниженя чісла робочіх міст на теріторії держав - членів ЕУ з прічіны:
• одходу компаній з теріторії ЕУ на Україну;
• приходу туншой робочой силы з Україны до ЕУ;
4) вшыткы добрї дїла реалізованы, або лем прокламованы ЕУ ся дают реалізовати і без – переходу Україны под юрісдікцію Европской унії. Сверх то, за тоту найвысшу ціну, страту сувереніти Україны собі і так непоможе:
* нормы ЕУ непустят продукцію Україны на европскый, цїлково на западный торг;
* на продукцію товарів за нормами ЕУ потрібно Україні велики інвестіції на покупку сверьх технолоґій;
* продукція Україны буде по підписаню асоціаячных договоров вытискована з теріторії Українуы продукцією держав ЕУ;
* вшытка продукція Україны як промыслова, так земледїльска ся буде старати реалізовати на торґу держав СНШ (Сполоченства незалежных штатів – Росії, Білорусії, Казахстану ...);
* державы СНШ в згоді з статєй 6 своёго таможного союзу приймут обмеджуючі кроки на довоз товарів з Україны;
* державный долґ Україны є на той час вже так высок, же Україні грозит банкрот. Покля ся к сёму припоят можливы выше спомнянуты економічны удары є правдоподобно, же україньска економіка їх невытриме і впаде. Україна ся так на долгій час стане сировиновым, културным привіском ЕУ і єй тунїм додавателём робочой силы.
Мілан Семанчік, Тренчін (Опубліковане дня 17. новембра 2013 року посмоть: http://www.holosy.sk/m%D1%96lan-semanch%D1%96k-11) − вышмарена!***