Реакція на статью «Русины бы хотїли за уповномоченого чоловіка з підпоров влады» опубліковану на http://www.sme.sk/ і на http://www.rusyn.sk/. Хто і якы каларабы нам хоче натиснути до голови ?...
Шак лем недавно 05.03.2013 преднюс в Мартіне предсїдатель влады пан Роберт Фіцо свій знакомый прояв в котрым кром іншого ясно повіл: «... Наш независлый штат сьме предностно неосновали про меншости, як лем собі їх бечелюєме, але про словацькый штатотворный народ,» Также о яку підпору влады про уповномоченого влады СР про русиньску меншость ту може быти бісїда? В жытю не є нич безкоштовно. За вшытко треба заплатити. Прото кідь мы Русини ся незнаме зъєдинити, кідь не сьме способны собі зорґанізовати цілорусиньскы вольбы. І є єдно, ці прото, же їх незнаме зорґанізовати, або на їх зорґанізованя немаме грошы, або прото же немаме вгодного (вшыткыма акцептовательного кандідата), то є наш проблем. Но кідь хочеме тот проблем обыйти (є єдно з кого помічю) треба знати, же тым признаваме нашу несвойправність. Cтаєме вазалами того опікуна на котрого ся обертаме о поміч. Покля знам, так немож бісїдовати о тым, же «Русини» бы хотїли уповномоченого. Однозначно суть то лем актівіти дакотрых русиньскых особностей. Про русиньскый народ – з вже наведженых прічін то неможе принести вырїшалный покрок. Покля влада СР нам буде платити „нашого воджатая“, так тот „воджатай“ буде мусити слухати того, хто го платит. Значіть іначе повіджено уповномоченый влады СР про русиньску меншость з підпорой влады СР буде мати підпору влады СР лем на крокы, котры будут на хосен словацькому штатотворному народу.
Маме істо вецей, но я знам про три русиньскы особности, котры суть досправдовой політічной силой. Суть то:
- ПгДр. Мілaн СІДОР, к. н. (во вольбах презідента 21. марца 2009 здобыв 20862 голосів т. є. 0,48%); http://sk.wikipedia.org/wiki/Vo%C4%BEba_prezidenta_Slovenskej_republiky_...
- Інж. Мілaн МНЯГОНЧАК, председа партії (во вольбах до Народной ради СР 10. марца 2012 партія Наш край здобыла 10604 голосів т. є. 0,41%); http://nrsr2012.statistics.sk/sr/tab3_sk.html
- Вододимір ПРОТІВНЯК, председа обчаньского здружіня (Русиньска оброда на Словеньску - РОС) http://www.rusinskaobroda.sk/?page_id=69
Прото нерозумію, чом єдностайно глядаме лідра (?), чом нерешпектуєме голос народа, во владі СР нас репрезентуют а Округлый стіл Русинів Словеньска рядят люде котры ся там дістали в дослїдок кабінетной політіки ... З высше уведженого є зрозуміла позіція председу РОС, же на роботі в ОСРС небере участь. Чом бы ся мал підрядити дакому хто непройшов волебным ситом ? Но наприклад панове ПгДр. Мілaн СІДОР к. н. і Інж. Мілaн МНЯГОНЧАК на роботі в ОСРС берут участь. Треба найти спосіб – форму як запоїти до роботи в ОСРС і РОС. Думам же форма членства ся даст доїднати. Може на правах позорователя або навспак, на правах вета. І так го РОС мать. Не є добре, же на роботі ОСРС небере участь наша молода ґенерація т.є. Molody Rusyny . Думам, же неодобрительне рїшіня к приятю Молодых Русинів во ОСРС є хыба а тото рїшіня є потрібно в што найкуртшом часе змінити на - позітівне = на приятя.
Звязаны статьї:
http://www.sme.sk/c/6834161/rusini-by-chceli-za-splnomocnenca-cloveka-s-...
http://www.holosy.sk/ad-namety-na-riesenie-situacie-v-rusinskom-hnuti-na... - вышмарена!
Мілан Семанчік (Опубліковано: 17. юн 2013 посмоть: http://www.holosy.sk/sk/m%D1%96lan-semanch%D1%96k-6) - вышмарена!***