В споїню з дїями, котры ся валят, котры одcтартовали фашістічны і ултранаціоналістічны екстремісты на майдане в Київе. І котры дале проглубила нелеґітімна влада в Київе реалізованём саоёй фашістічной і ултранаціоналістічной політіки, веджіньом войны проти власного народа (народом і народностям) ся нам на очах роспадать Україна.
Лем Русиньску націоналность Київ ниґда непризнавал. Проте витаю выголошіня суверенного Закарпатья – Русиниє посмоть: http://novorus.info/news/policy/15489-zakarpatskaya-oblast-byvshey-ukrai...
Вірью, же вшыткы русиньскы орґанізації повной сілой підпорят взник суверенного Закарпатья – Русиниє!
Думам собі, же ціла тота сітуція буде лакмусовым папірїком про вшыткых функціонарїв русиньскых орґанізацій. В смыслі накілько боронят інтересы русиньского народа!
В звязаности з діскутованой темой выголошіня суверенной Карпатьской Русї – Русиниє неможу нереаґовати на слова єдного русиньского воджатая, котрый мені написал:«А што тым хочете пане Семанчіку повісти?! Же є добрі, кідь, країна, де люде жыють бідно, де неіснуює слобода слова, де ся заперают іншітуції Російской академії наук... Намісто того, же бы пінязї были інвестованы до розвитя културы i школованости, так ся інвестуют до зброї? Чей тото Вы підпорюєте? Koму служыт тото некінчівшіє ся зброїня? Напевно лем воєньскым картелом на обидвоїх бокох. Кого жотят Росіяне страшыти? Може нас на Словеньску, або ші Абхазців, Чеченців, Українців, но бізовнї не НАТО. Іде о збыточне зброїня, повторюю ся, з обидвоїх боків, ...»
Одповідь:
- од силы Росії (воєньской, політічной, економічной ...) прямо пропорціонально залежала і залежыт судьба Славян, враховано нашой русиньской судьбы;
- на тот час є сила Росії велика – може як ниґда передтым. І так думам собі мож нам разом схосновати тоту нагоду так, же бы ся наша русиньска судьба злїпшыла;
- неходьте на мене з паціфізмом. Тота ідеолоґія є застарїла. В сучасной добе є смішна. Неналапате на ню ни сельску бабку. За паціфістічніма приповідками ся вше скрывать вопрос: „Сьте зноден заплатити за мір ярмом (проданём сувереніты ...)?“
- незабывайме на аґресію анґлосаського Западу проти Славян: Лужіця, Судеты, Поморє (Руяна, Штетін, Ґданьск, Слупск, Кошалін, Колобжеґ), Восточне Прусько посмоть: http://cs.wikipedia.org/wiki/V%C3%BDchodn%C3%AD_Prusko Глубже посмоть в статьї: К: Ідеї на рїшіня сітуації в русиньском руху на Словакії 2 http://www.holosy.sk/ad-namety-na-riesenie-situacie-v-rusinskom-hnuti-na... - вышмарена! Посмотьте на інтернетї час од часу на карту воєнськых баз США і НАТО. Карту росшырїня ЕУ. З тотых карт є ясно же Росія вже нема де выцофати ся. І наперек тому вже чую вопрос: Як собі Россія дозволила так близко ся приближыти к базам США і НАТО ?! посмоть: http://www.sk/m%D1%96lan-semanch%D1%96k-18 - вышмарена! То є - і так плано і так плано. Oстатнёй каплей ся стала шырокоспектална атака Западу проти Україне. І тота сітуація одштартовала процес зъєдинїнёваня руського світа. Є мені сімпатічный російскый подход к зъєдинованю реалізованый на Крыму. В дослїдку которого жытельство Крыма набыло (двократну) плацу і пензії на ровень цїлоросійського середнёго уровня. Республіке Крым є додавана шырокоспектална розвоёва поміч, котрой метой є, жебы была мінімално себестачна і в близкой перспектіве просперуюча. Кідь Америка і ЕУ так любят Україну, немали бы зохабяти єй спонзорованя на Росію, але за взором Росії бы мали підняти плацу і пензії жытельства Україны на ровень США або холем на ровень ЕУ.- на контру тіпа « цїна жытя ...» я ся вже выразил в статьї: Без русофільства русиньскый рух загыне ! Посмоть: http://www.holosy.sk/m%D1%96lan-semanch%D1%96k-0 - вышмарена!- і к наражкам на жытьєву ровень:
* автор повысше цітованых слів собі ани неусвідомує, же роздумує як продайна душа. Ним написаны слова нам дают знати, же є способный за обіцяня высшого жытьєвого ровня запродати кіріломефодску заповіт, народны русиньскы інтересы (право на самобытный народный, културный розвиток, ...);
* пишете про бідне жытя в Росії так як бы мы Русины на восточной Словакии сьме ся мали з чімесь хвалити. Вы невидїте тоту біду вымераючих русиньскых сел? Вы невидїте ту еміґрацію, необыйдительність путовати за роботой до Братїславы,Чех і іншого заграніча? ... Істо ма выповідну цїну і «Офіціална статістіка самоубійств в СР» хто знать чом є доступна лем од року 1996 до року 2011 (?) посмоть: http://kohn.blog.sme.sk/c/327007/Oficialne-statistiky-samovrazd-v-SR.html , де є явный рост чісла самоубійств.
* про особы такых поглядов є тіпічне же ся неснажат писати кодіфікованым русиньскым языком, або иоже ним писати нехотят;
* што ся односит порівнаня Україны і Росії. Плаца і пензії суть в Росії двараз высше посмоть: http://www.kp.ru/daily/26206.4/3091232/
* табліця жытьєвого ровня держав світа за год 2014 є евідентно необєктівна. Україна провела державный переворот і гнедь ся підняла ...ха, – ха! або хо, – хо http://www.numbeo.com/quality-of-life/rankings_by_country.jsphttp://gotoroad.ru/best/indexlife
* пенсійне обезпечіня в Росії посмоть: http://ru.wikipedia.org/wiki/%D0%9F%D0%B5%D0%BD%D1%81%D0%B8%D0%BE%D0%BD%...
* мінімална пенсія в Росії по областьях в 2014 ґоду посмоть: http://tvoyapensiya.ru/minimalnaya_pensiya_2014.html
Мілан Семанчік, Тренчін (Опубліковано: 25. апріля 2014 року на http://www.holosy.sk/m%D1%96lan-semanch%D1%96k-20) − вышмарена!
***